عبدالرحمن بن مساعد - قصيدة نحسقصائد واشعار >>عبدالرحمن بن مساعد >> نحس

نحس

قصيدة نحس للشاعر

 نحس

 


يوم الأثنين أغتنى .. و صار بين الاغنياء ترتيبه الثالث
يوم الثلاثاء الفجر .. مات في حادث
،،،، ،،،،
فريق كورة .. دائما ً ترتيبة في الدوري الأخير
وأذا لعبوا و استبسلوا .. قبل الأخير
وبعد السنين الممحلة .. جاهم رئيس ثروته كثر التراب
عين مدير .. عنده من الخبرة كثير
شال الكبار ولعب شباب
وجاب المدرب اللي له اسم ٍ مهاب
واتقدموا .. وصلوا للدور النهائي
ويوم النهائي .. قبل المباراة بدقايق
في البلد حصل انقلاب
،،،، ،،،،
مسكين .. شين وفقير
وفي الدراسة حاول انه يستمر .. وما استطاع
وضعة صعب .. ابوه مات وهو صغير
وماترك له الا الفقر .. وامه واخته .. و الهم من فوقه و تحته
و مالقى لجل الهروب من الضياع .. الا انه يدور وظيفه ..
أي وظيفة
ولقى من ضيقته مخرج .. وظيفة دخلها معقول .. يمشي الحال لو اعرج
و مرت سنة و سنين ..
و المسكين .. صارت كل آماله زواج
واتزاحمت في داخلة الاسئلة ..
منهي اللي بتقبلة ؟ .. ولية ؟
وفي يوم مامثله ابد .. شافها .. أجمل من أجمل ما رأى
و اضحكتله ... مستحيل !! .. اضحكتله
ومشت من أول الحارة .. و لحقها
و ادخلت في بيت جاره ..
سأل عنها و عرف .. قنوعة و اسمها سارة
تصير أخت لمرة جاره
ارسل لها أخته .. تجس النبض
جت البشاير
راح لمه .. و فرحته كبر السماء و الأرض
وافقت !! .. ابشرك يمه .. لقيتها يمه
سارة أخت حصة مرت منصور ..
أبيها وهي تبيني .. و أبغى منك الشور
خلاص يا يمه خلاص .. بقول لهمومي الوداع .. بقول لهمومي الوداع
قالتله أمه :
ياولدي .. بس هذي أختك في الرضاع

 

قصيدة نحس



 

[ الرئيسية :: الإحصائيات :: البحث :: أخبر صديقك :: اتصل بنا ]