خالد الفيصل - قصيدة اون ورياح الليالي تونيقصائد واشعار >>خالد الفيصل >> اون ورياح الليالي توني

اون ورياح الليالي توني

قصيدة اون ورياح الليالي توني للشاعر

 اون ورياح الليالي توني

 


اون وريــاح الليـالـي تـونِـي والبرد في جوفي كما الغار خـاوي
ماكن لـي عقـل ولا قلـب كنـي جذعٍ وقف في وجـه الأيـام ذاوي
وبـي عبـرة محبوسـةٍ تمتحنـي وفي عيني وحلقي وصدري شكاوي
وبي من قديم الوقت جـرحٍ مكنـي وبي من جديد ايام وقتي مكـاوي
إن قلت زانت خالف الوقـت ظنـي وإن قلت هانت عاجلتنـي بـلاوي
أجـامـل ايـامـي ولا جاملـنـي هامت بي الدنيـا هيـام الخـلاوي
الوقـت جايـر واللّيـال اسهرنـي والحزن ما بين الضلوع متـلاوي
أون وكـلٍ يحسـب انـي اغـنـي عليل وكلٍ يحسـب انـي مـداوي

 

قصيدة اون ورياح الليالي توني



 

[ الرئيسية :: الإحصائيات :: البحث :: أخبر صديقك :: اتصل بنا ]