نوكيا قصص تحميل برامج رسائل جوال قصائد واشعار دليل مواقع
الرئيسية منتديات جوال نوكيا   خلفيات قصص وراويات   العاب   تحميل برامج   رسائل جوال   قصائد واشعار   ترجمة نصوص مقاطع فيديو  دليل مواقع أضفنا لمفضتـكـ

حامد زيد - قصيدة اربع خناجرقصائد واشعار >>حامد زيد >> اربع خناجر

اربع خناجر

     

 اربع خناجر


مشكله لا جات حاجتك بيديـن البخيـل



مايفكـك ليـن تدفـع كثـر مايدفـعـه


ومشكله لا صرت مطعون بكفوف الدخيل



في ظهرك اربع خناجر وبالصدر اربعه


ومشكله لا ضاق بالوقت رجـالً ثقيـل



يطلـب احبابـه وعيـا زمانـه ينفعـه


ليت ربي مايحاسب خليـلً مـن خليـل



دام مال الحظ فزعـه وللوجـه اقنعـه


ودام مال العذل تالي ومابالحيـل حيـل



الغـلا سمـاً نذوقـه ومـرً نجـرعـه


نحتري فيه القا والحصيل هو الحصيـل



مثـل حلمـاً ماتحقـق وعيـت اقطعـه


كني اللي حط بشفاه من جمـر المليـل



لا قـدر يرميـه للنـاس وزرا يبلعـه


والظروف اللي حدتني لنيـران وفتيـل



عرضت دمع المحاجـر لشـيً جزعـه


والمدامع بالغـلا لا تحـال ولا تحيـل



والمشاكل كل ماجـات جـات مجمعـه


اعذلوني عن هوى النفس وعيوني تخيل



في حبيـب ٍ ماتركتـه ولازلـت اتبعـه


مغرم في حب مثله ولا ارضى له بديـل


عيني تشوفـه وقلبـي يجـوع ويشبعـه


ذاك كل مازان بالي وطالعـت النخيـل



ماذكرت الا ثباتـه بوقـت الزعزعـه


ماهو الاقطعة مـن حشـا قلبـاً عليـل



وماني الا قطعـة منـه مخلـوقً معـه


لا جميل شفت قبلـه ولا بعـده جميـل



العذارا رهن رمشه وانا رهـن اصبعـه


والله انه لو طلبنـي اطلـوع المستحيـل



لا اطلعه مني منـاك يعنـي لا اطلعـه


ماعلي مـن الملامـه وهـرج الهبيـل



مشجع الرجال لا ثار غيـره مشجعـه


في عيون اللي عشقني ولا جاني هزيـل



الله اللي حـط عشقـه بقلبـي وزرعـه


لو سكت ينطق له الصم والدنيـا تسيـل


وان حكى لو يمشي المزن ياقف يسمعـه


سلسبيل مـن شفاتـه يخالـط سلسبيـل


معمعه بسكات واحـلا سكـات بمعمعـه


ماهقيت ان اكثر الليل يمـرح الجديـل



لين شفته شـوف عينـي بكفـه يرفعـه


وان حيت ومابقالي معـه ياكـود ليـل



لا اسهره بأول غروبه ومـوت بمطلعـه


والله ان العشق جمره وطاحت بالشليـل



وان حصل ماطاعك الوقت بحبابك طعه


من هو اللي علم عداي نكران الجميـل



ومن هو اللي خان خلي وحـاول يقنعـه


كل عاذل ردني عنك يالطرف الكحيـل



ياعسى الله يقلعـه ياعسـى الله يقلعـه


يامعرض قلب الاحباب للدرب الطويـل



السعـه لا بـارك الله بالضيـق السعـه


والله ان الوقت قاسي وانا مانـي ذليـل



واشهد ان الرجل مرات ظنـه يخدعـه


وانتم اتعذلـون خفـاق بعيـون العديـل



مارحمتم نار جرحـه وحيـرة مدمعـه


والسوالف ليلها ليـل والحايـل يحيـل



والمشاكـل مشكلـه بمشكلـه متجمعـه


مشكله لا خانك الوقت بالحمـل الثقيـل



لو زرعت الزرع هوج العواصف يشلعه


ومشكله لاصار عاذلك مايبـرد غليـل



لا تـرده طيـب كلمـه ولحـدً يمنعـه


ومشكله لا صرت مطعون بكفوف الدخيل



في ظهرك اربع خناجر وبالصدر اربعه

         

قصيدة اربع خناجر


التعليـقـات
»أحمد شديد
  أضيف في: 23/08/2010
كل الاحترام ومشكووووووووورين
ويعطيكوم الف عافية يا رب

»أحمد شديد
  أضيف في: 23/08/2010
كل الاحترام ومشكووووووووورين
ويعطيكوم الف عافية يا رب

»عبدالحميد السلطان
  أضيف في: 14/06/2008
والله ماهذا بشعر ان هو الا سحر صح لسانك وتحياتي لشاعرنا حامد زيد

الصفحات:1


[ الرئيسية :: الإحصائيات :: البحث :: أخبر صديقك :: اتصل بنا ]