حامد زيد - قصيدة لولوقصائد واشعار >>حامد زيد >> لولو

لولو

قصيدة لولو للشاعر

 لولو

 

أسمحيلي يا الحبيبـه مابقـى فينـي سعـه والصراحه طبع فيني هي حقيقة مو خيـال

الرجوله من صفاتي والـردي مـا نتبعـه والحقيقة ما انتظرتك والحكـي لازم يقـال

ضيق الخاطر معاني فـي خيالـي بطبعـه مع هنوفن صادفتني فـي مسافاتـن طـوال

أبعدت عني وراحت فـي طريـق المنفعـه مع عذولن كان ضدي حبهـا حـب ودلال

لاتظنينـي بغيتـك لـو تركتينـي مـعـه من تركني ما بغيته وموقفي موقف رجـال

لـو نسيتينـي بفصلـن بتركـك بالأربعـه ولو جرحتيني بيومن بجرحك طول الليـال

لو تكوني من ضلوعي ظلع فينـي بشعلـه ولو تكوني لي حياتي موتها لجلـك حـلال

لو تكوني في عيوني نـور عينـي بمنعـه ولو تكوني في خيالي صورتن مالك خيـال

ولو تكوني عرق فيني من وريدي بمزعـه ولو تكوني شمس يومي صرتلك لحظة زوال

لو تناديلي بصوتـك فـي منامـي بسمعـه وفالحقيقه ما سمعتـك لـو تقوليلـي تعـال

من شرى شي بحلالـه مـا يفيـده رجعـه والحقيقه مـا صمدتـي بالعذايـب الثقـال

ما وطيتي من مقامي بإسـم ربـي بأرفعـه ولو يحن القلب لحظه نحرمه لحظة وصال!!

 

قصيدة لولو



 

[ الرئيسية :: الإحصائيات :: البحث :: أخبر صديقك :: اتصل بنا ]