بدر بن عبدالمحسن - قصيدة بيجينى السفرقصائد واشعار >>بدر بن عبدالمحسن >> بيجينى السفر

بيجينى السفر

قصيدة بيجينى السفر للشاعر

 بيجينى السفر

 

مربوط بالضي ..
مقيِّدٍ بالظل .. مسجون في الناس ..
مديون لكلمةٍ حلوه .. مرهون لي أنفاس ..
قولي لي .. وش أسوي ..
ملعون هالإحساس ..
لو هو حلو وافر ..
قاضبني لا اسافر..
بـ الهون ..لا تكسري هالقيد .. كله أصابع ..
خليني أفك أصابع الحاير المسكون .. بالخوف ..
عن زندي الخادر ..
يكفي مواجع ..
أظنني قادر على الوقوف ..
وقادر على الترحال ..
بس اصبري ..
لا تسافري .. الين أقوم ..
بالله لا تستعجلي ..
لا تزعلي مني ..
أوراقي وثيابي .. خذيها معك ..
بس افتحي بابي .. وخليه ..
في يوم بيجيني السفر ..
ويدخل علي .. واهج مثل الناس ..
قول وش أسوي .. ملعون هالإحساس ..
لوهو حلو وافر ..
قاضبني لا اسافر

 

قصيدة بيجينى السفر



 

[ الرئيسية :: الإحصائيات :: البحث :: أخبر صديقك :: اتصل بنا ]