سعد علوش - قصيدة حنكة موسولينيقصائد واشعار >>سعد علوش >> حنكة موسوليني

حنكة موسوليني

قصيدة حنكة موسوليني للشاعر

 حنكة موسوليني

 

فوح قلبي كل مصبح فوح دلـّه

ويابري حالي وياجرّة ونـيني

وياوجودي كل ماخلوا محلّه

ويـاصدع راسي وعقدة حاجبيـني

كل ماتقبل على وجهي مـملّه

ااتشهد وأذكر أن الله عـويني

فيلله أنـّك لاتحاسبني بزله

وأنك أتوفقني وتستر كنيني

كنيتن بين الضلوع المستعلّه

لو أبزفرها .. تفاضت مقلتيني

مارسم في خاطري عشرين علّه

وبعثر أحكايايتي . الاّ حاجتيني

الرّفيق اليا تدانا للمذلّه

والضنين اللي درو بنه ضنيني

فيا رفيقي كل رجل وله جبلّه

وانت من نسل الرجال الطّيبيني

لاكن أنّك غصت في بحر التولّه

وردّو الحضـّار علم الغايبيني

قالو أنّك .. ماخذن بزغة الاهلـّه

وفلسفة هتلر . وحنكة موسليني

فسلّم الله حب قرّااء المجلّه

حبّبوك فسرقة الحصـن الحـصيني

بس عادي هي كذا بصمة الادله

بصمتن وحده ولاهي بصـمـتيني

ماني بزعلان من زلتك .. لله

وماني بضارب يساري في يميني

كون .. من نوّن يضلّلني بضلـّه

وساقته ريح أحسداه وحاسديني

ياعيون اللي زبونه مرقبلّه

اشقرن فوق ايد .. فرحان القريني

يالغوا يالطيش يالعكش المضلـّه

يامجرّدني كذا .... يامعتريني

يـامخلّي أمعقّدات الكيف .. فلــّه

ينشغالة فكري وحرفة يديني

جعل من شطّن بعمري .... مايدلّه

ويلعن اللي من مواصلك ايحديني

أيه أببعد وأنكس الحال .. ولابلـّه

ينكشف ماكان ... مابينك وبيني

فلاتحسبنّي رخصتك لالا وواللّه

أنّـّك مخاشر غلاي لوالديـني

 

قصيدة حنكة موسوليني



 

[ الرئيسية :: الإحصائيات :: البحث :: أخبر صديقك :: اتصل بنا ]