سعد علوش - قصيدة مدريقصائد واشعار >>سعد علوش >> مدري

مدري

قصيدة مدري للشاعر

  مدري

 

تضيق نفسي لين يشره على قلبي فمي

وأنا أترجـّا فمنيات الحلول المزمعه

لا يا بن أبوي شلون محتر واطغي واحتمي

والوقت لامنّه زما راس حضّي يقمعه

أن جيتها فـ الاصدقا؟ أوووف يافورة دمي

كم واحدن خـلاّ جميلي على راس أشمعـه

مانيب متحسّف جعـل مال جافيني سمي

لان أدري المحراب ماهوب مثل الصومعه

تـتغثبر الدنيـا ولحظة.. صفوّ الأدمـي

اليا سجد لله وسقّت دموعـه مدمـعه

وأنا أدمعـت عيني وما اكميه عاده منكمي

بين أنتضام عروق قلبي مسوّي معممعه

يـاوجد حالي وأنكساري وغيبي وعدمـي

وجود من جمـّع حلاله وضاع اللي أجمعـه

المشكله.؟ ماهيب نفسي وزلاّت قدمي

وماهيب بحّة صوت أحبــّه ولاعاد أسمعه

المشكله؟ لاجات من بين دمّي والحمي

مدري من أخلي ولا أدري من اوقـّف معه

 

قصيدة مدري



 

[ الرئيسية :: الإحصائيات :: البحث :: أخبر صديقك :: اتصل بنا ]