ناصر الفراعنة - قصيدة الله من قلبٍ على مرتع الخورقصائد واشعار >>ناصر الفراعنة >> الله من قلبٍ على مرتع الخور

الله من قلبٍ على مرتع الخور

قصيدة الله من قلبٍ على مرتع الخور للشاعر

  الله من قلبٍ على مرتع الخور

 

الله من قلبٍ على مرتع iiالخور
كنه هشيمٍ دمدم العود بالي
كني عضيض اللي مع الخبت iiمسعور
باقي من المدة ثلاثة ليالي
يكفخ بلا ريشٍ وينفخ بلا زور
ويكفيه عن رد الجواب iiالسؤالي
دنياك يا خالد على السرج iiوالكور
ما تفجع الا من زحول iiالرجالي
تجبر عراوي الكلب والبوم iiوالثور
وتكسر عراوي طيّبين iiالعيالي
تنزل مقام مخرّقة كل طابور‏
وترفع مقام مخرّزين iiالنعالي
شاخت بها الأذناب لحّاسة السور‏
سود الوجيه مبيّعين iiالشيالي
فيها وليد اللاش عالم iiودكتور‏
ولقيطة الحجّاج حضرة معالي
وسلالة الجزّار مطوة وساطور
تأمر علينا في العصور iiالتوالي
فإن كان يا خالد معنّى iiومنجور
ما احدٍ يا ابن مدعث من الوقت iiسالي
وانته عريبٍ وافي الجد iiمخيور
يا صلب زايد يا كريم iiالسبالي
أما معي تقطع من العرق iiمشبور
والا قطعت العرق كله iiلحالي
روحي مثل روحك على سبق مطيور
ما بين قولة لا تجين iiوتعالي
فكان الزمان بحدّة البدو مأمور
يا لوم قلبي يوم ينحاس بالي
ترى يخالد ما ورا الشوف iiمذخور‏
ولا احدٍ يهدّ الطير والقاع iiخالي
من عقب ما حنا ذرى كل iiمظهور
على سروج الصافنات iiالمتالي
تنتف شواربنا على غير مبرور
ونشرب مرار ويشرب الغير iiحالي
ياطى الثعل هامة ثمانين iiمنعور
والذيب عوّد فرْسةٍ iiللرخالي
وولد الردي لا جاء على راس iiعنقور
يبلاك في نفسه لو أنّك iiمثالي
صيده ليا جابه زريطي iiوعصفور
يوم النشامى ما تصيد iiالهزالي
بالهرج عدّة نابية كل iiعثمور‏
والفعل ما ملّى صغار iiالسحالي
يوم انّ كلٍّ إلْه حيلة iiومقدور‏
جداه كشخة غترته iiوالعقالي
ولدة حرامٍ بارد الخدّ iiمقصور
هيسِ يكبّر موخره iiبالسمالي
سبوٍ جبو قدره مع الناس iiمحقور
وش عاد لو عدّى الرجوم العوالي
خبلٍ يدوّر مع قفا الناس iiثغرور‏
والقفو ما نوّخ ظهور iiالجمالي
والعنز لو ربي رزقها iiبزمّور
ما يحتميها من ذياب السهالي
ومن لا يحوش الطيب والعمر iiميسور
ما يدركه لي ما غشاه iiالثفالي
فياللي تعذربنا هبيلٍ iiومطيور‏
أجْل البداوة عيب ؟ لا iiيالخمالي
كان البداوة عيب ما نيب iiمصغور
يا طيب عيب معطّرين iiالسلالي
حنا البدو أحرار وآسود iiونمور
سيفٍ يقصّ مروبعات الحبالي
حنا البدو حنا عمى كلّ iiمغرور
ما حنْ عيال مضبّبين iiالدلالي
يشهد لنا من حدر الالحاد iiمقبور
ويشهد لنا في القاع من لا iiيزالي
حنا البدو سيفٍ بالايمان iiمشهور‏
وتشهد عليه قصارها iiوالطوالي
لا نقطع الذمة .‏. ولا نشهد iiالزور‏
ولا نتلب العاني ليا جاك iiجالي
ولا نقلب الملة.‏. ولا نطرد العور‏
ولا نسهج الشينات وسط المفالي
ولا ننقل العجرا .. ‏ولا نطلب iiالغور
ولا نلحق الكف اليمين iiالشمالي
ولا نذبح العجفا .‏. ولا نسبق الدور
ولا نطرد المقفي لشدّ iiالرحالي
ولا نزرع الصبخا .‏. ولا نحفر iiالقور
ولا نطرح الا من السمان iiالجزالي
ولا نعبد الرتبه ولو هو iiامبراطور
ولا نهاب الا عزيز iiالجلالي
ولا نخلف الهقوة.. ‏ولا نطلق iiالحور
الا على طيب وحافظ iiووالي
ما نقطع الساقة .. ‏ولا نبعج iiالشور‏
ولا ندغر القالة بقيلٍ iiوقالي
ولا نبخس الكيلة.. ‏ولا نجحد iiالنور‏
ولا حِنْ من اللي يكنزون iiالريالي
ولا نشعب الذلة ولا نخاوي iiالبور
زرق العيون ضراب شرْد iiالسحالي
ولا نضرب الطبلة.. ‏ولا نشحذ الكور
فضلة عبيدٍ للأكابر iiموالي
ولا ندهل العِبْلة ولو طورها iiطور‏
والرزق في يدْ من عليه iiاتكالي
حنا البدو يوم اكثر الناس iiطرطور
ناطى صما صميم iiالجبالي
عشة,‏ولا قصرٍ على الذل iiمعمور
نلعب عليها الهمّلا iiهمّلالي
عشة تدوم ولو على سبعة iiبحور
ولا قصر لا مالت به الريح iiمالي
حنا البدو يوم اشهب الملح iiمنثور
ياما خزمنا روسها ما iiنبالي
رجّالنا في حومة الحرب iiمسطور‏
ورضيعنا مع ضرب الاشهب iiيلالي
حنا على كبد العدو مرّ iiممرور‏
وعلى الخوي ميٍّ قراحٍ زلالي
ما قد وِخِذ من حقنا كبر iiالاظفور‏
مير الدهر خلى الخفايف iiثقالي
من خلقة الدنيا إلى نفخة iiالصور
والبدو أخَيْر الناس بأول iiوتالي
ذبّاحةٍ يوم اول الوقت مذعور
حمّاية المَرْكي نهار iiالقتالي
فحولٍ وسادتنا حصا كلّ iiشنظور
ولحافنا بيض النجوم iiالمدالي
ما نبدي الشكوى لخاطر ومخطور‏
ألا على الواحد أحد ذو iiالجلالي
ولا نغبط الحاكم على حكمه iiالدُور
اليا رعينا في الفياض iiالخوالي
ياما حلا سوق المعاشير iiبقفور‏
ونجم السويبع مثل قرن الغزالي
في خايعٍ توه من الوسم iiممطور‏
نوّار عشبه مثل نقش الزوالي
إبْلٍ رعوها البدو مع كلّ iiدعثور
تسوى شَبَحَات الوجيه iiالمكالي
روحك يا ابن مدعث على ريشة كرور
احذر بها صفر العراقيب تالي
وان عذربوها بأشقر الكنت iiمعذور
أغاديه يِذهب عن حشا الجوف iiصالي
وان عذربك من سِلْحة الناس iiمسمور‏
اشرب وطقّ مشقّره لا iiتمالي
قبلك شرَبْه الجِهْر ناصر ومنصور
وعضيب وعقاب عنِزَة iiوالهلالي
وشرب ازرق الدخان ماهوب iiمحظور
العيب زرع الهافية عند غالي
ابشر يخالد دام لي دمٍّ iiيفور
مانيب من هو قال دوّر iiبدالي
أما خذينا حقّنا واقبل iiالنور
ولا ترانا من بنات iiالحلالي
ماني وانا ناصر بهورٍ ولد iiهور
وانا الذي من راس عمي iiوخالي
فيالله في كونٍ مثل كون iiجمعور
هشهاش باروده سوات iiالخيالي
يصبح به الهافي عن العز مكسور
ويصبح به الطيب على راس iiعالي
ناخذ به خفاف الموازين iiبالدور
وكم راس نذلٍ عن كتوفه iiيشالي
والنصر الى قالوا على الضد iiمنصور
ما هو على زعْلة خويٍّ قبالي
وما قلّ دلّ وزبدة الروض iiحمرور
والا كثير الهرج ماله iiومالي


 

قصيدة الله من قلبٍ على مرتع الخور



 

[ الرئيسية :: الإحصائيات :: البحث :: أخبر صديقك :: اتصل بنا ]