محمد بن فطيس المري - قصيدة انا جيت كليقصائد واشعار >>محمد بن فطيس المري >> انا جيت كلي

انا جيت كلي

قصيدة انا جيت كلي للشاعر

 انا جيت كلي

 

،؛،.. أنا جـــيت كـــلي ..،؛،


ماهو بكيفك عقب شيٍ حصلي ..
.. من ذوّق المحتاج يصبر الى احرجْه


خليتني من حلو حاليك احلي ..
.. واصبحت مدمن حب والقلب روّجْه


بين العروق وصار مافيه ' ملي ' ..
.. الا وله جُرّه تمرّه وتسهَجْه


وذود الغلا في عشب قلبي تفلي ..
.. وتراب صدري للمطر منـْك ما احوجْه


يمحل الى صدّيت ويموت يا اللي ..
.. صديت عنـّه والله احياه واخرجْه


ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه


ولي عين حالي دمعها لك يهلي ..
.. وانْ رحْت راحت مالح الدمع تزعجْه


غالي ولا يحتاج بسّك تغلي ..
.. غلاك اخذ قلبي وروّضـْه واسرجْه


ولو قلت ياعيني بصدره تملي ..
.. شافت خفوق ٍ حبك الذرْب توّجْه


وماهو على كيفك عقب ما حصلي ..
.. من ذوّق المحتاج يصبر الى ازعجْه


(عطيتني وجهك وانا جيت كلي ..
.. محروم والمحروم ما ينعطا وجْه)

 


قصيدة انا جيت كلي



 

[ الرئيسية :: الإحصائيات :: البحث :: أخبر صديقك :: اتصل بنا ]