نوكيا قصص تحميل برامج رسائل جوال قصائد واشعار دليل مواقع
الرئيسية منتديات جوال نوكيا   خلفيات قصص وراويات   العاب   تحميل برامج   رسائل جوال   قصائد واشعار   ترجمة نصوص مقاطع فيديو  دليل مواقع أضفنا لمفضتـكـ

محمد بن فطيس المري - قصيدة يالله عفوكقصائد واشعار >>محمد بن فطيس المري >> يالله عفوك

يالله عفوك

     

 يالله عفوك

،؛،.. يالله عفوك ..،؛،




يالله عفوك يوم تصفية الحساب ..
.. يوم حصاد لما زرعنا في السنين




يوم الحشر قرب ولا معنا زهاب ..
.. اليوم في الدنيا وبكرة راحلين




نجني ذنوب ونرتجي عفو وثواب ..
.. وعلى نصر ربي لنا مستعجلين




تدرون ليه آمالنا كنها سراب ..
.. تدرون ليه النصر سيف الأوليين




الأوليين أعمالهم وفق الكتاب ..
.. قاموا عليه وباعوا الدنيا بدين




وحنا غفلنا بين مالذ وطاب ..
.. والنصر سيف ما يسله غافلين




نصبح على شوف انتهاكات وخراب ..
.. ونمسي على دمع وتنهات وونين




بصدورنا شي تذوب اله الهضاب ..
.. وأفعالنا والواقع رياح .. وطحين




وعلى العيون من الفتن مثل الضباب ..
.. معد درينا من يسار ومن يمين




ما للضيف الا الدعا لو ما يجاب ..
.. ما غيره الا الشوف مكتوف اليدين




يالله زلزل تحت الأعداء التراب ..
.. والطف بنا واحقن دماء المسلمين




ندعوك يا قادر على جعل السحاب ..
.. جيش لنصرة قلة مستضعفين




أغرقهم بنوع من أنواع العقاب ..
.. غرق الغلام اللي يحسب انه فطين




لوما عصى نوح نجا به في رحاب ..
.. سفينته وأمضى معه في العمر حين




لكنه اختار الخساره والذهاب ..
.. اصنع بهم صنعك به وانت المتين




والا اخذهم يا مجري سود الحقاب ..
.. أخذ العجوز اللي بقت في الغابرين




ذوقهم اللهم أنواع العذاب ..
.. اللي عثوا في أرضك أمن المفسدين




وألطف بمن لبسوا من التقوى ثياب ..
.. عبادك المستهدفين المتقين




تكالبت عليهم أنياب الذئاب ..
.. ولا غير عونك يا معين الصابرين




من بينهم شيبه يعجزون الشباب ..
.. من وقفته من طولها في الركعتين




ومن بينهم بنت تون بلا حجاب ..
.. أحجابها لفوا به الجرح المكين




وطفل عن عيون أمه الثنتين غاب ..
.. تبكيه عين وتلتفت لأخيه عين




من هول ما يجري لهم شاب الغراب ..
.. يا وسع حلمك وانت ما فوقك مدين




أدعيك وانت ادرى بحال أهل المصاب ..
.. وأمد كفي لك يا أكرم الأكرمين

         

قصيدة يالله عفوك


التعليـقـات
»حمد الهملان
  أضيف في: 25/05/2013
والله انو ابن فطيس مجرم الله يحفـــــــــــــــــــــــــــظه

»same same330
  أضيف في: 24/05/2012
بارك الله فيك وصح الله لسانك

الصفحات:1


[ الرئيسية :: الإحصائيات :: البحث :: أخبر صديقك :: اتصل بنا ]