سر من أسراري .. خاص لبنات حواء فقطط .. وبلا لقافة من الباجي ..

[~¤¦¦ لــهفــة ¦¦¤~]

السلاااام عليكن ..

:smile:
مرررررحبا الساع .. حيا الله باللي لفانا .. اقربووا .. اقربووا ..
واخذوا راحتكن على الآخر .. الموضوع موضوعكن ..
:smile:
اشحالكن ؟؟ علومكن ؟؟
عساكن طيبات ..
:smile:

قبل لا ألقي عليكم قنبلتي الخطيرة
عندي لكن شيء بقوله

بناتات .. صراحة انا عتبانه عليكن ( غير الغالية سموره ما منها قصوور )
قسم عالم حواء قسمنا وعالمنا .. المفروض يكون من أروع الاقسام وأحلاها
بس للأسف الشديد .. القسم كأنه مقبرة .. هاااااادي ومووووحش
والمشاركات والمداخلات بسيطة جدا .. هذا ان وجدت :214:

فيا حافظ عليكن .. نبي القسم هذا يصير ( خنخوش نمل ) :biggrin:
نبي دووووم .. نسمع خرخشة وقراقيع وأصواااااااااات ..:biggrin:
وزيارااات ( مداخلات ) وهدايا ( مواضيع مميزة ) .... الخ

همتكن .. أباكن تشلون القسم على راسكن ..
نبي ربشة بالقسم وبالمواضيع .. شدن الحييييييل :applaudit:


وأحينه نرجع لموضوعنا .. طبعا سأضع بين أيديكن خلاصة تجاربي ..
وهاي التجربة الأولى ..
لا تخااافون ناجحة بكل المقاااييييس :biggrin:

جايبة لكن خلطة ما تخرش المية على قولتهم :biggrin:
نعوووومة + تفتيح مع الأيام + لمعة حلوة + ريييييحة حللوه ( وحدة تعقدت من ريحة الخلطات )
يعني خواتنا المعرسات يقدرون يحطونه وبو الشباب موجود بالبيت .. لأن البشرة تتشربها وتمتصها
وتترك بس لمعة حلللللللللللوة ...:rolleyes:


على كثر الخلطات الللي استخدمتها في حياتي .. ما لقيت أحلى من هاي ..
مفعولها سريع .. ( واللي تبي البياض لازم المداومة والاستمرار )
ما عالج مشكلة جفاف بشرتي غير هالخلطة .. وتعرفن جفاف البشرة يسبب سمارها
فالترطييييب مهم ومهم جداااا .. وطبعا هاذي الخلطة خذتها من صاحبتها ( فارسة حواء )
ربي يجزيها خيري الدنيا والآخرة ويرزقها على قد نياتها .. قولن آمييين
بعد مرة قولن آآآآآمين .. تستاهل البنوته .. :smile:



الخلطة هي
صابونة دوف تبشرينها بالمبشرة ..تقدرين تبدلينها بأي صابونة تعجبج (الطاؤوس -الغار -البابايا)
بالنسبة لصابونة دوف أختاري اللي يناسبج أنا استعملت الزرقاا
نص كوب ماي ورد..
5 ملاعق جلسرين سائل ..
5ملاعق زيت اللوز .. ( صاحبة الخلطة قالت الحلو بس انا استخدمت المر )
لوشن فير اند لفلي للجسم ( أصغر حجم)
عصير ليمونة وحده ..

(( وتكفي هذي الكمية مدة طويلة يمكن لمدة شهر ))

طريقة الاستخداام
أدهني جسمج كللللللللللللللله بالخلطة عادي حتى ويهج ( الوجه )
خليها لمدة 4 ساعات أو أكثر ( تقدرين تتمين عليها طول النهار عااادي )
(بللي الليفة بــــــــــس) وأدعك جسمج
تلاحظين أنها طلعت رغوة كملي ليما تخلصين كل المناطق
أغسلي جسمك بالماي وشوفي كل الشوائب اللي في الجلد بتطلع مع الدعك

تنظف وتصفي .. واحلى شيء عجبني .. اللمعة الحلوة ..


وأي استفسااار أو سؤااال .. تراااني بالخدمة عزيزاتي ..
وماااا يردكن الا لسانكن ..


ودمتن ساااااااااالماااااااااااات من كل شر ..
:smile:

[سموره]

والله كلامك كله صح خصيصا اخــــــــــــــــر فتره :frown: وبعدين ان كتبت مواضيع كثيره ليس فقط بهذا القسم ولم اجد ولا تعليق واحد :eek6: :eek6: وهذا غير جيد اذ لا يعطي تشجيع ودعم للعضو ...:frown: .
وانا متوقعه انو بوجودك راح يتفاعل المنتدى :smile: ورح تخليه افضل منتدى من المنتديات الباقيه:smile: وهذا بوجودك :biggthumpup: وكلامك اللي ما في عليه كلام كله صح ودقيق وعندك دقة ملاحظة :rolleyes: والمنتدى محظوظ بوجود وحده متلك::tongue:
بالنسبه للخلطه مشكوره ولا تحرمينا جديدك والسلام
:biggrin: :biggrin: :biggrin: :biggrin: :biggrin: :biggrin: :biggrin: :biggrin:

[~¤¦¦ لــهفــة ¦¦¤~]

مسااااء الورد وريحة الورد وليالي الورد
لأحلى ورد بمنتدانا
:in_love:
حبيبتي .. والله ( سمووره )
حيياااااج مليووون ولا يسدن

دوووم انتي اللي تجبرين بخاطري .. وخاطر أغلب الاعضاء ..
سواءا بالرد أو التشجيع أو الدعاااء ..
:in_love:
لا أخفيك .. توقعت 99 فاصلة 9 بالمية
بأن المداخلة الأولى ستكون من شخصك الكريم
:in_love:

ما تتخيلين كيف أسعدتني كلماتج ..
والصرااااااحة لا أستحق كل هذا الاطراااء ..:blush-anim-cl:
ولكنها شهادة أعتز فيها وسأعلقها على صدري ماحييت ..
:blush-anim-cl:
وأتمنى أن أكون دائما عند حسن ظنك وظن الجمييييع ..

وحبيبتي .. المنتدى محظوووظ .. بوجودج العطر .. صدقيني ..
يمكن أنتي أكثر وحدة اكتسبت ( احتراام وتقدير ) وحب الجميع ..


بعدين تعالي
:Looking_anim2:







بعد شوي
:Looking_anim2:





بعد شوي
:Looking_anim2:










أيواا بس خلاص
:Looking_anim2:
انتي متأكدة ان الكلام اللي كتبتيه فوق في الطابق الثالث أعتقد :rolleyes:
عني أنا .. صراحة شكيت في البداية .. اني مب أنا المقصوودة ..:confused:
ما كنت أدري ان كل الصفات السنعة فيني :biggrin:



لا تؤاااخذيني .. لا أستطيع أن أبقى هادئة ..
:rolleyes:

لكي مني فاائق الود والاحترااام غاليتي

:bye1:

[ftooh]

أأوديك لهفه
فى كل كلامك
ولكن اكيد الا عضاء بعافيه شويه

ربنا يقومهم ب السلامه
لكى كل الود

[سموره]

اhttp://www.alsowr.com/get-5-2007-13smeih1.gif (http://www.alsowr.com)
http://www.alsowr.com/get-5-2007-b3hqumaa.gif (http://www.alsowr.com)
مشكوووووووووووره لهفه http://www.alsowr.com/get-5-2007-ix8zg22y.gif (http://www.alsowr.com)
والله ما قصرتي : :tongue: :tongue: والكلام موجه الك اصلا انت بتستحقي اكثر من هيك بس لساني عجز عن التعبير وعن الكلام الله يخليك لينا و دومي بالصحه والعافيهblushing: :tongue: :

لا تحرمينا جديدك الاكثر من الرائع
:clap: :clap: :bye1: :bye1: :clap: :clap: :bye1: :bye1:

[~¤¦¦ لــهفــة ¦¦¤~]

للرفـــــــــــــــــــــــــــــــــــــــــــــع
لعيون الغرشوبه : الجـــــــــــــــــــــــــــــــوري
ياللااااا شوفيها وطبقيها واحكمي بنفسج ........


حطيتها يا قلبي .. بالمنتدى ..
والله اليوم كنت ناوية .. ارفعها .. شكلها طست بالصفحات الأخيرة ..:dunno:

بس جد الجووري .... اليوم كنت أبا أرفعهاااااااا
تدرين ليش ؟؟

لان ..باي باي لكل منطقة غامجه بجسمي .. عاد قلت أفيد خواتي .. وأخبرهن .. والله جد مستانسه حيل كأني عرووس
خخخخخخخخ خخخخخخخ خخخ :tongue: :tongue: :tongue:
يعني لا ركب غامجه ولا اكواع غامجه .. ولا ( احم احم ) اللي ببالي بالك .. ولا أختها .. :wink:
الجسم كله تقريبا توحد لونه .. ماعدا بقعه صغيره مثل الدايره على ركبتي اليمين .. بس فاااااتحه
مب نفس أول

والله أنصح العرايس يستخدمنه .. والله يجزيها كل خير اختنا فارسة حواااا
والله يرزقها على قد نيتها .. ما قصرت معانا الصراحه .. وعطتنا هالخلطة السحرية

[عذبة الاحساس]

^_^

انا جربت وحده السنه الي فاتت بس كان معها كركم وبدون اللوشن
بس الله لايوريك الكركم خلانا صفران
انا وماي سستر من يشفونا اخواني انواع التحطيم:(

بس زين هذي مافيها كركم ان شاء الله اجربها
يعطيك العافيه

ويسلمك ربي

[الجوري]

يعطيـــــــــــــــــــــــــك الف الف الف الف عــــــــــــــــــافية يالغلا على اهتمامك 000


وعلى هالوصفه وخلينا نشوووووووووووووف النتائــــــــــــــ ج


فديتك

[~¤¦¦ لــهفــة ¦¦¤~]

^_^

انا جربت وحده السنه الي فاتت بس كان معها كركم وبدون اللوشن
بس الله لايوريك الكركم خلانا صفران
انا وماي سستر من يشفونا اخواني انواع التحطيم:(

بس زين هذي مافيها كركم ان شاء الله اجربها
يعطيك العافيه

ويسلمك ربي


أنا بعد جربت وحده بالكركم .. عذووبه الله لا يوريج .. :mad:
نفس الرمسة اللي تقولينها .. انواع التحطيم .. من أخوي .. :eek6:
أما الباجي قصيت عليهم ..قلت لهم .. لمن اطبخ أوسخ عمري .. :tongue:
عاد اقلج ما كنت اقدر البس شي كت وإلا نص كم أو من هالقبيل :tongue:
يعني الخلطة خلتني بايامها حجية .. خخخخخخخخ :biggrin:

أما أخوي عارف السالفه لان هو اللي تلعوز وشرى لي اغراض الخلطة ..
تدرين أول مرة حطيته .. شافني كنت مسوية حالة استنفار . واطلع برع الغرفه .. وعندي شغل
المهم بعد ماحطيت الخلطة وسبحت .. لما شافني .. قال لي :
هــــــــــــــــــــــه نانسي .. :eek6: :eek6: :eek6:


وضحك علي ضحك سنة بيوم .. :blushing: :eek6:

[شريفه]

مشكوره ياالغاليه على الخلطه وان شاء الله تناسبني
كل مااستخدم خلطه ماتناسني ولاتغير من لون جسمي شي ولاحتى حاجه بسيطه
بس ان شاء الله هذي تنفع معي انا حاسه انها تجنن
بس ممكن اضاعف كمية ماء الورد بدل كاسه احط كاستين
وممكن ابدل اللوشن بكريم

[~¤¦¦ لــهفــة ¦¦¤~]

مشكوره ياالغاليه على الخلطه وان شاء الله تناسبني
كل مااستخدم خلطه ماتناسني ولاتغير من لون جسمي شي ولاحتى حاجه بسيطه
بس ان شاء الله هذي تنفع معي انا حاسه انها تجنن
بس ممكن اضاعف كمية ماء الورد بدل كاسه احط كاستين
وممكن ابدل اللوشن بكريم


منورة الصفحه اختي شريفه ..
حياج ربي وبياج ..

اختي اذا تهتمين بالبياض أكثر .. فلازم تضيفين .. ( وانا صراحة ضفته للخلطه )
نخلط معاه نصف كريم ديرمو فيت الأخضر لتسريع نتايج الخلطة
(( درموفيت الأخضر dermovate )) تلاقينها بالصيدليه ..
ووحده من البنات تقول أضافت معها بين ..

ويوميا تغسلين جسمك بصابونة البابايا 3×1
(( انا صراحه ما حصلتها خوياتي والبنات يمدحونها .. انا خذت وحده ثانيه .. صابونة البابايا المبيضه
تلاقينها بالجمعيات .. وبعدني ادور على الثانيه ))

وبالنسبة لسؤالك .. أختي أفضل انج تلتزمين بالخلطة ..ومكوناتها
واللوشن يفضل فيرأند لفلي المبيض واذا عندج لوشن مبيض ثاني .. أعتقد مب مشكله ..
لان الغرض واحد .. وتقدرين تحطين الكريم بدل اللوشن ..

---------------------------------

وبالنسبة للوجه .. يمدحون كريم بين .. تحطينه بالليل وبالصبح تغسلينه ..
أو ممكن تستخدمين أولاي المبيض بالتوت البري +ربع درموفيت ..
بس امانه اختي للوجه ما جربت شي .. وهالكلام من خوياتي ..

----------------------------------

أما الجسم مجربته .. وماشاء الله ناسبني ..
وبيضني .. مدري عنكم .. لان كل بشرة تركيبتها تختلف عن الثانيه ..
وأهم شي المواظبة والاستمرار
وتفادي أشعة الشمس واستخدام الواقي .. أنا استخدم روك .. مب الكريم البخاخ ..
وترطيب الجسم بعد كل غسله .. أنا اخلط ( جليسوليد الاحمر + الجلسرين السائل )
واستخدمه ..

ويا رب تستفيدين .. وتطلعين بيضه تلقين .. :smile: :smile:
مثل ما انا استفدت .. :smile:

وأي سؤال اختي .. ترى ما يردج الا لسانج ... ربي ينولج اللي في بالج .. :smile:

[شريفه]

مشكوره ياعسل ربي يسعدك
الصفحه والمنتدى كله منور بك اختي لهفه
بس عندي سؤال ؟
انتي قصدك احط كريم فير اند لفلي ودموفت الاخضر مع بعض في الخلطه
ولا قصدك نبدل فير اند لفلي بدرموفت؟؟؟؟؟؟؟
انتي كتبتي بعد انك تستخدمي بخاخ روك لجسمك هل هذا البخاخ مبيض اومرطب او ايش هوه؟
بصراحه احس منتجات روك كلها حلووووووووووه تنصحيني بكريم روك لسيلولايت؟
وشكرا مره ثانيه
انتظر ردك

[~¤¦¦ لــهفــة ¦¦¤~]

آمين .. ويسعدج يا رب .. وينولج اللي في بالج ..
في الخدمه يا قلبي .. انتن تامرن .. أمر ..


حبيبتي .. أقصد في الخلطة تضيفين .. ديرموفيت الاخضر .. زياده عن المكونات الثانيه ..
أنا أضفت نصــه .. وخليت النص ..

أما بالنسبة للاضافات الثانيه أو الاستبدال ..
ممكن تضيفين كريم فير أن لفلي ( ركزي أفضل تكون اللي مرسوم عليها كبسولات حمراا ) زياده
أو ممكن تستبدلين اللوشن بالكريم ..
وممكن تضيفين بعد كريم بين .. وأعتقد قيمته 5 دراهم يعني 5 ريال ..
وهاذي الكريمات تلقينها بالجمعيات ..


وحبيبتي الروك .. ما استخدمت منه غير الواقي .. ضد الشمس .. وآخذه أعتقد بـــ 80 درهم
لان هالعامل مهم جدا للمحافظة على البياض ..
يعني لمن تروحين تحت الشمس .. أو عند الفرن .. تحطينه ... ضروري ..
أنا ارتحت للبخاخ .. أكثر عن الكريم .. احطه على كل مكان ظاهر من جسمي فقط ..
وأكثر شي وجهي ويديني ورقبتي وصدري من فوق ..

ولازم تحطينه قبل لا تطلعين على الاقل بربع ساعه .. حتى تتشربها البشرة ..
والافضل نصف ساعه ... حتى في بنات يحطنــّـــه لمن يجلسون جدام الكمبيوتر ..
بما ان الاضاءة تكون قويه .. شوي ..

أما بالنسبة لكريم سليولايت .. يا قلبي ما اقدر أفتي وأنصح بهالموضوع
لان فاقد الشي لا يعطيه .. بمعنى ما جربت .. للاسف اختي كان بودي اساعدج ..




حبيبتي واذا عندج أي سؤال ثاني ..
سئلي ولا تترددين ... يا عسل انتي ...

[شريفه]

مشكوره ياقلبي على التوضيح وعلى المعلومات الإضافيه اللي كتبتيها
والله استفدت منك كثير
يعطيك الف عافيه ياقمر

[~¤¦¦ لــهفــة ¦¦¤~]

مشكوره ياقلبي على التوضيح وعلى المعلومات الإضافيه اللي كتبتيها
والله استفدت منك كثير
يعطيك الف عافيه ياقمر

ربي يعافي قلبج وغاليج .. منوره الصفحه كالمعتاد .. شاكرة لج تواصلج .. :smile:

العفو يا قلبي وترى ما سوينا غير الواجب .. :smile:
وحنا موجودين هنا عشان نفيد ونستفيد ..


ومثل ما قلت لج .. اذا عندج اي سؤال .. سئلي وبلا حرج ..
وما يردج الا لسانج .. ولا تقولين اخاف اكثر بالاسئلة .. :smile:

[شريفه]

اختي لهفه
انا اشتريت امس كتاب اسرار الحريم والظاهر ان فيه انواع اللي عندي لونه عودي
من اعداد نورا ماجد_منال نايف ومكتوب اسرار بااللون البني والحريم بااللون الذهبي
ماادري هل هو هذا الكتاب المعروف عند بنات المنتدى ولا اللي عندي يختلف؟؟؟؟؟
لان اختي الجوري الله يحفظها كتبت لي منه بعض الخلطات ولما اشتريت الكتاب ماحصلت الخلطات اللي كاتبتها
والظاهر ان اختنا الجوري انشغلت في الاجازه وماصارت تدخل الافي النادر عشان كذا قلت ابسألك يمكن تقدرين تفيديني بخصوص الكتاب لان كثير مدحوه لي وابي اعرف هو نفس الكتاب اللي قالولي عنه
اذا ماعليك امر ولك الشكر

[~¤¦¦ لــهفــة ¦¦¤~]

يا قلبي .. يا شريفه .. :smile:
كان بودي أفيدج .. لكن للأسف .. ما عندي فكرة عن الكتاب .. :smile:

ننتظر أختنا الجوري .. وان شاء الله يكون عندها جواب شافي لج ..

بس اللي اعرفه اختي .. :smile:
انه احيانا لاختلاف طبعات الكتاب من سنة لاخرى ..
يغيرون بالشكل الخارجي .. أما الجوهر ومضمون الكتاب .. فيتم نفسه ..
وهذا الحال في اغلب الكتب ..

والله أعلم :smile:

[شريفه]

الف الف الف الف شكر لك ياعسل
والله ماتقصرين