السامر
08-09-2006, 11:16 PM
هنا ..
نعد أمتعتنا ..
لنأخذ قلوبنا .. في رحلة خارجه عن نطاق المألوف ..
رحله إلى عالم الإبداع ..
نحلق سوياً في فضاء الكلمات .. وعذوبة المشاعر ..
رحلتنا تتوجه إلى عالمٍ الأحاسيس المتدفقه ..
لعالم لايسكنه سوى (( فهد المساعد)) ..
كان التفرد بهذا العالم من نصيبه .. لأنه من اكتشفه ..
ومن سقا أرضه بوابل من التميز والإبداع ..
كل شيء في عالمه مختلف .. كل شيء ..
حينما تمسك يداه مزمار الكلمات ..
تتهيج نبضات القلوب تأثرا وحزنا ,,
يعزف فتفيض العين دمعها ..
حتى صوت الناي في عزفه .. مختلف ؟؟
في عالمه .. نعيش فصولا من الأحاسيس ..
ليست فصولا كالتي نعرفها ..
استأثر الحزن بنصيب الأسد
فكان أطول فصوله ..
الحزن .. في عالمه طاغي ..
حزن نسجته الأيام بحرفنه .. وإتقان ..
جسد فهد المساعد ..
هذا الحزن بنبضات قلبٍ موجوع .. قلبٍ يئن ويعاني ..
قال ....... انه : ( مدينه تنتظر .. رجعة غريب ) ..
فكانت .. دعوه لقلوبنا .. بأن نزور أرضه ..
وان نستوقف رحلتنا طويلاً في محطات نبضه ..
لنعيش فصول احاسسه ..
ونستوطن حارات مدينته ..
نحن معه .. نشاطره المشاعر ..
فكلنا (( مدينه .. ننتظر .. رجعة غريب )) !!!
لن أطيل ..
لنذهب إلى تلك المدينه ونستكشفها ..
.
.
.
.
.
أتمنى لكم سفراً ممتعاً مع هذه المحطات ..
(( رساااااله ))
ياصاحبي جيتك اشكيلك من أحوالـي
جيت ومادامك رفيقـي ليـه أطوّلهـا
العلم وما فيه يـا أول وآخـر أمالـي
عندي رساله ولا ادري كيف أوصلها
للي سبتني وأنـا مـن قبلهـا سالـي
أبيك توقف معي .. وتروح وتسألهـا
وش فيها تفتح علـي أبـواب عذالـي
وتحمّل النفـس حاجـه مـا تحملهـا
وش فيها رغم الوفا تتركنـي لحالـي
وأنا لجفاها تركـت الدنيـا بأكملهـا
إن كان هذا زعل .. علمهـا يالغالـي
ما كان قصدي ورب البيـت ازعلهـا
علمها واللـي يخلـي قلبـك الخالـي
عن ضيقتي وين وصلت من تجااااهلها
علمها كم لي وأنـا ماشلـت جوالـي
كله علشـاااان مـا اقلـب رسايلهـا
وعلمها وشلون لامرت علـى بالـي
أروح وأضـم صورتهـا واقبلـهـا
وعلمها كيف انشغل عن كثرة أشغالي
واسرح واغمض عيونـي واتخيلهـا
علمها عني وعـن همـي وغربالـي
علمها عن كل حاجـه فـي تجهلهـا
وان شفتها دنقت تبكي علـى حالـي
انسى الكـلام وتذكـر كلمـه وقلهـا
قل شاعرك يعتذر ويعاهـدك تالـي
انـه يرتـب حساباتـه مـن أولهـا
ويقول حتى القصيد اللي علـى بالـي
والله ماعـاد اكتبـه كانـه يزعلهـا
(( ناس فوق وناس تحت ))
صعب لامنك فشلـت وصعـب لامنـك لقيـت
إن من يكره نجاحك يـدري انـك مـا نجحـت
امس ضقت ورحت اقلـب ذكرياتـي وانتهيـت
عند صورة طفل صوته مثل صوتي لا انجرحت
وش مثل ؟؟ لا والله إلا هذا أنـا يـوم ابتديـت
انطق حروفٍ تلعثـم فـي لسانـي لا انمدحـت
هذا أنا يوم الحيـاه فـنظرتـي عشريـن بيـت
ومسجدين ومدرسه من طين كم فيها اصطبحـت
هذا أنا .. وأصبحت أتمتم .. (هذا أنا) حتى بغيت
اختنق بس القدر عيّـا علـى موتـي وطحـت
وصاح صوت الطفل فيني انت من وين ارتميت
قلت أنا المستقبل اللي فيه كـم همـت وطمحـت
امس كنت أبيك تكبـر بـس والله لـو دريـت
اني اللي عشت لجله مـت عنـدك واسترحـت
لو دريت إن الزمان يجـر رجلـي مـا عديـت
ولو دريت إن البحور بلا موانـي مـا سبحـت
كان دربك لي طويـل وكـل ماشفتـك هويـت
قلت لك كبوة جواد ومـا كبيـت إلا وجمحـت
ليـه تسمعنـي وتمشـي آه ليتـك مامشـيـت
وآه ليتك من كثـر عثـرات الأيـام انتصحـت
ضاعت احلامي وضل الحزن فينـي واهتديـت
للطريق اللـي يودينـي علـى دمعـي ورحـت
يالحزن ليتـك مثـل دمعـي وتنـزل لارقيـت
بس أعرفك لو مسحت الدمع تبقى ما انمسحـت
كان حلمي في وجـود إنسـان يبكـي لابكيـت
وصار حلمي في وجود إنسان يفـرح لافرحـت
كنت اشوف الناس مثلي كل ما جعت وضميـت
ما دريت إن الاوادم ناس فـوق ونـاس تحـت
آآآه يا أول ذكرياتي خذني فـحضنـك نسيـت
لأسألك عن وجه ابوي اللي معه يامـا سرحـت
خذني فـحضنك ابغفى .. ياااااه مبطي ماغفيـت
وان لمحت دموع عيني سو نفسـك مـا لمحـت
خذني فـحضنك وبعثر في جروحي وان قضيت
هزلي كتفي وقلي : عيـب تبكـي لـو سمحـت
اضحك وعلم زماني من أنا .. ومن وين جيـت
طق باب الحزن واصرخ فـيّ لامنـي فتحـت
وضمني يمك .. وكمل ضحكتك لامـن بكيـت
ودي اذكر كيف كانت ضحكتي لامـن فرحـت
(( يبه ))
يبه وأنا بعد (( 12 )) عام حسيـت
انـي قـدرت أقـول شـيٍ كتمتـه
ابطى قصيدي ما أنكتب فيك وابطيت
اجر صوتي وارجع اجـر صمتـه
ما ودي اكتب بيت واندم على بيـت
ماهو بشعر .. الشعر كاني زهمتـه
الشعر كانه ما انحنى لي مـا جيـت
إن ماعـزم مرثيتـك مـا عزمتـه
إن ماكتبته بأزرق الدمـع وأبكيـت
كل الجروح المبطيـه مـا رحمتـه
يبه وأنا من بعـدك أبـو التناهيـت
مـا مـر طعـمٍ للحـزن مانهمتـه
يبه .. (يبه) كلمه وأنا كل ما أوحيت
كلمة يبه ((صديت والوقت لمتـه))
يبه .. (يبه) كلمه وأنا كـم تمنيـت
اهدم بها وابني بهـا اللـي هدمتـه
يبه وأنا لاضقت رحـت وتهجيـت
ركـون بيـت ضـم حلـمٍ حلمتـه
يومـك تعلمنـي ولامـن تحاكيـت
درس الحياه اللي كبـرت وفهمتـه
هنـاك كانـت دلتـك لاتقهويـت
وهناك كان يسـاق طيـبٍ حشمتـه
وهناك إيه اذكرني .. هناك خليـت
طفلٍ ملـى بالدمـع دربٍ رسمتـه
هناك جاني علمـك انـك توفيـت
وهناك خاويـت الشقـا واحتزمتـه
واليوم قلت اليـوم يومـي ومديـت
كف القصيد وطاح شعـر ونظمتـه
لكن بعد صمت (( 12)) عام حسيت
اني عجـزت أقـول شـيٍ كتمتـه
(( الجرح ))
ياصغيّر السن قدرك طاحت أبراجه
الجرح خلى الصخر ينطق ونطقني
خلاص ماعاد تعنينـي ولا حاجـه
رح جعل ربي يوفقـك ويوفقنـي
من بعد ما كنت نور العمر وسراجه
اليوم صرت الظلام اللي يطوقنـي
عطيتك أكثر من اللي كنت تحتاجه
أسرفت فـالحب لين الحب وهقنـي
خلاص مالي ومال الحب وإزعاجه
مالي ومال الدروب اللي تضايقنـي
تعبت أضم البحر واهدي أمواجـه
تعبت أجامل وأشوف الوقت يسرقني
شكواي للي عليه الضيق وافراجـه
اللي إذا شاء يرحمنـي ويرزقنـي
أما انت يابو جبين عقّـد احجاجـه
لاعاد تسأل علامك منت طايقنـي
الناس كلٍ علـى دربـه ومنهاجـه
وأنا عن الناس مابه شـي يفرقنـي
إلا اني دايم أحب الصدق وأواجـه
مخلوق والله على هالوضع خالقنـي
حتى رفيقي ضماد القلب وعلاجـه
على كثر ما أتمسك فيـه صدقنـي
لو ادري انه مرافقني على حاجـه
لاامسّكه حاجتـه وأقـول فارقنـي
(( اللي تركني ))
اللي تركني وأنا في عـز غربالـي
بعد الشدايد وش اللـي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عينـي
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظـره منـه فـي حالـي
ياما تمنيـت صوتـه لـو ينادينـي
وأقول لأظلم علـي الليـل بلحالـي
الله يجيبـه يشتـت غربـة سنينـي
من كثر ماكان طيفـه دايـم اقبالـي
أحيان أحسه معي وتضمـه ايدينـي
ولامن تنبهت ليـن وجيـه عذالـي
كلٍ علـى ماطـرا بالـه يسمينـي
ليته تركني بعـد هـذا علـى فالـي
زي ماتركته بعـد قتلـه بساتينـي
من بعد ماصار جاء بلسانه الحالـي
يبغى يرجّـع زمـانٍ بينـه وبينـي
قولوا له إني ما أحبه كثـر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي
إن راح وإلا رجع ماعـاد يعنينـي
وهذه رائعة منروائعه اجهل مسماها ... وأبيت إلا أن أسطرها لكم ..
قبل اسافر كنت جالس فـي زمـان الأنتظـار
ارتشف هـم المكـان وكـل همـي حاجتيـن
كنت خايف من يباس وكنت خايف من خضار
كنت اخاف انك تجين وكنت خايـف ماتجيـن
لين شفتك من ورى بيبان صـالات المطـار
مقبله من كثر شوقك كنت اشوفـك تركضيـن
مرة ٍ ركضك يميـن ونظـرة عيونـك يسـار
ومرة ٍ ركضك يسار ونظـرة عيونـك يميـن
تايهـه ماكنـك الا ضحكـة ٍ وسـط انكسـار
ساكتـه ماكنـك الا دمعـة ٍ فيـهـا حنـيـن
خايفه وجله حزينه .. يعني كنتـي بأختصـار
تشرحين لكل عاشق معنـى كلمـة عاشقيـن
بعدهـا جيتـك ولـدّت عينـك ودار الحـوار
من كفوفي دمعتيـن ومـن كفوفـك دمعتيـن
كنت اصد وكنتي انتي ثايـره مثـل الشـرار
ماعلى لتغة لسانك غير كلمة ( وين ؟ وين ؟ )
واذكر اني رحت قبـل ابديلـك ايّـة اعتـذار
رحت حتى قبل اطيّب خاطـرك فـي كلمتيـن
لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقدريـن
اذكريني لاانتهت للشمس رحلـه مـع نهـار
واذكريني لاصحـى للصبـح ورد الياسميـن
واذكريني لالمحتـي فـي ليالـي البـرد نـار
واذكريني لاسمعتي للمطـر صـوت ٍ حزيـن
اذكريني واذكريني واذكريني .. بأختصـار ..
اذكري فهد المساعـد قـدّ ماانتـي تقدريـن
كل الود ؛
السامر
نعد أمتعتنا ..
لنأخذ قلوبنا .. في رحلة خارجه عن نطاق المألوف ..
رحله إلى عالم الإبداع ..
نحلق سوياً في فضاء الكلمات .. وعذوبة المشاعر ..
رحلتنا تتوجه إلى عالمٍ الأحاسيس المتدفقه ..
لعالم لايسكنه سوى (( فهد المساعد)) ..
كان التفرد بهذا العالم من نصيبه .. لأنه من اكتشفه ..
ومن سقا أرضه بوابل من التميز والإبداع ..
كل شيء في عالمه مختلف .. كل شيء ..
حينما تمسك يداه مزمار الكلمات ..
تتهيج نبضات القلوب تأثرا وحزنا ,,
يعزف فتفيض العين دمعها ..
حتى صوت الناي في عزفه .. مختلف ؟؟
في عالمه .. نعيش فصولا من الأحاسيس ..
ليست فصولا كالتي نعرفها ..
استأثر الحزن بنصيب الأسد
فكان أطول فصوله ..
الحزن .. في عالمه طاغي ..
حزن نسجته الأيام بحرفنه .. وإتقان ..
جسد فهد المساعد ..
هذا الحزن بنبضات قلبٍ موجوع .. قلبٍ يئن ويعاني ..
قال ....... انه : ( مدينه تنتظر .. رجعة غريب ) ..
فكانت .. دعوه لقلوبنا .. بأن نزور أرضه ..
وان نستوقف رحلتنا طويلاً في محطات نبضه ..
لنعيش فصول احاسسه ..
ونستوطن حارات مدينته ..
نحن معه .. نشاطره المشاعر ..
فكلنا (( مدينه .. ننتظر .. رجعة غريب )) !!!
لن أطيل ..
لنذهب إلى تلك المدينه ونستكشفها ..
.
.
.
.
.
أتمنى لكم سفراً ممتعاً مع هذه المحطات ..
(( رساااااله ))
ياصاحبي جيتك اشكيلك من أحوالـي
جيت ومادامك رفيقـي ليـه أطوّلهـا
العلم وما فيه يـا أول وآخـر أمالـي
عندي رساله ولا ادري كيف أوصلها
للي سبتني وأنـا مـن قبلهـا سالـي
أبيك توقف معي .. وتروح وتسألهـا
وش فيها تفتح علـي أبـواب عذالـي
وتحمّل النفـس حاجـه مـا تحملهـا
وش فيها رغم الوفا تتركنـي لحالـي
وأنا لجفاها تركـت الدنيـا بأكملهـا
إن كان هذا زعل .. علمهـا يالغالـي
ما كان قصدي ورب البيـت ازعلهـا
علمها واللـي يخلـي قلبـك الخالـي
عن ضيقتي وين وصلت من تجااااهلها
علمها كم لي وأنـا ماشلـت جوالـي
كله علشـاااان مـا اقلـب رسايلهـا
وعلمها وشلون لامرت علـى بالـي
أروح وأضـم صورتهـا واقبلـهـا
وعلمها كيف انشغل عن كثرة أشغالي
واسرح واغمض عيونـي واتخيلهـا
علمها عني وعـن همـي وغربالـي
علمها عن كل حاجـه فـي تجهلهـا
وان شفتها دنقت تبكي علـى حالـي
انسى الكـلام وتذكـر كلمـه وقلهـا
قل شاعرك يعتذر ويعاهـدك تالـي
انـه يرتـب حساباتـه مـن أولهـا
ويقول حتى القصيد اللي علـى بالـي
والله ماعـاد اكتبـه كانـه يزعلهـا
(( ناس فوق وناس تحت ))
صعب لامنك فشلـت وصعـب لامنـك لقيـت
إن من يكره نجاحك يـدري انـك مـا نجحـت
امس ضقت ورحت اقلـب ذكرياتـي وانتهيـت
عند صورة طفل صوته مثل صوتي لا انجرحت
وش مثل ؟؟ لا والله إلا هذا أنـا يـوم ابتديـت
انطق حروفٍ تلعثـم فـي لسانـي لا انمدحـت
هذا أنا يوم الحيـاه فـنظرتـي عشريـن بيـت
ومسجدين ومدرسه من طين كم فيها اصطبحـت
هذا أنا .. وأصبحت أتمتم .. (هذا أنا) حتى بغيت
اختنق بس القدر عيّـا علـى موتـي وطحـت
وصاح صوت الطفل فيني انت من وين ارتميت
قلت أنا المستقبل اللي فيه كـم همـت وطمحـت
امس كنت أبيك تكبـر بـس والله لـو دريـت
اني اللي عشت لجله مـت عنـدك واسترحـت
لو دريت إن الزمان يجـر رجلـي مـا عديـت
ولو دريت إن البحور بلا موانـي مـا سبحـت
كان دربك لي طويـل وكـل ماشفتـك هويـت
قلت لك كبوة جواد ومـا كبيـت إلا وجمحـت
ليـه تسمعنـي وتمشـي آه ليتـك مامشـيـت
وآه ليتك من كثـر عثـرات الأيـام انتصحـت
ضاعت احلامي وضل الحزن فينـي واهتديـت
للطريق اللـي يودينـي علـى دمعـي ورحـت
يالحزن ليتـك مثـل دمعـي وتنـزل لارقيـت
بس أعرفك لو مسحت الدمع تبقى ما انمسحـت
كان حلمي في وجـود إنسـان يبكـي لابكيـت
وصار حلمي في وجود إنسان يفـرح لافرحـت
كنت اشوف الناس مثلي كل ما جعت وضميـت
ما دريت إن الاوادم ناس فـوق ونـاس تحـت
آآآه يا أول ذكرياتي خذني فـحضنـك نسيـت
لأسألك عن وجه ابوي اللي معه يامـا سرحـت
خذني فـحضنك ابغفى .. ياااااه مبطي ماغفيـت
وان لمحت دموع عيني سو نفسـك مـا لمحـت
خذني فـحضنك وبعثر في جروحي وان قضيت
هزلي كتفي وقلي : عيـب تبكـي لـو سمحـت
اضحك وعلم زماني من أنا .. ومن وين جيـت
طق باب الحزن واصرخ فـيّ لامنـي فتحـت
وضمني يمك .. وكمل ضحكتك لامـن بكيـت
ودي اذكر كيف كانت ضحكتي لامـن فرحـت
(( يبه ))
يبه وأنا بعد (( 12 )) عام حسيـت
انـي قـدرت أقـول شـيٍ كتمتـه
ابطى قصيدي ما أنكتب فيك وابطيت
اجر صوتي وارجع اجـر صمتـه
ما ودي اكتب بيت واندم على بيـت
ماهو بشعر .. الشعر كاني زهمتـه
الشعر كانه ما انحنى لي مـا جيـت
إن ماعـزم مرثيتـك مـا عزمتـه
إن ماكتبته بأزرق الدمـع وأبكيـت
كل الجروح المبطيـه مـا رحمتـه
يبه وأنا من بعـدك أبـو التناهيـت
مـا مـر طعـمٍ للحـزن مانهمتـه
يبه .. (يبه) كلمه وأنا كل ما أوحيت
كلمة يبه ((صديت والوقت لمتـه))
يبه .. (يبه) كلمه وأنا كـم تمنيـت
اهدم بها وابني بهـا اللـي هدمتـه
يبه وأنا لاضقت رحـت وتهجيـت
ركـون بيـت ضـم حلـمٍ حلمتـه
يومـك تعلمنـي ولامـن تحاكيـت
درس الحياه اللي كبـرت وفهمتـه
هنـاك كانـت دلتـك لاتقهويـت
وهناك كان يسـاق طيـبٍ حشمتـه
وهناك إيه اذكرني .. هناك خليـت
طفلٍ ملـى بالدمـع دربٍ رسمتـه
هناك جاني علمـك انـك توفيـت
وهناك خاويـت الشقـا واحتزمتـه
واليوم قلت اليـوم يومـي ومديـت
كف القصيد وطاح شعـر ونظمتـه
لكن بعد صمت (( 12)) عام حسيت
اني عجـزت أقـول شـيٍ كتمتـه
(( الجرح ))
ياصغيّر السن قدرك طاحت أبراجه
الجرح خلى الصخر ينطق ونطقني
خلاص ماعاد تعنينـي ولا حاجـه
رح جعل ربي يوفقـك ويوفقنـي
من بعد ما كنت نور العمر وسراجه
اليوم صرت الظلام اللي يطوقنـي
عطيتك أكثر من اللي كنت تحتاجه
أسرفت فـالحب لين الحب وهقنـي
خلاص مالي ومال الحب وإزعاجه
مالي ومال الدروب اللي تضايقنـي
تعبت أضم البحر واهدي أمواجـه
تعبت أجامل وأشوف الوقت يسرقني
شكواي للي عليه الضيق وافراجـه
اللي إذا شاء يرحمنـي ويرزقنـي
أما انت يابو جبين عقّـد احجاجـه
لاعاد تسأل علامك منت طايقنـي
الناس كلٍ علـى دربـه ومنهاجـه
وأنا عن الناس مابه شـي يفرقنـي
إلا اني دايم أحب الصدق وأواجـه
مخلوق والله على هالوضع خالقنـي
حتى رفيقي ضماد القلب وعلاجـه
على كثر ما أتمسك فيـه صدقنـي
لو ادري انه مرافقني على حاجـه
لاامسّكه حاجتـه وأقـول فارقنـي
(( اللي تركني ))
اللي تركني وأنا في عـز غربالـي
بعد الشدايد وش اللـي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عينـي
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظـره منـه فـي حالـي
ياما تمنيـت صوتـه لـو ينادينـي
وأقول لأظلم علـي الليـل بلحالـي
الله يجيبـه يشتـت غربـة سنينـي
من كثر ماكان طيفـه دايـم اقبالـي
أحيان أحسه معي وتضمـه ايدينـي
ولامن تنبهت ليـن وجيـه عذالـي
كلٍ علـى ماطـرا بالـه يسمينـي
ليته تركني بعـد هـذا علـى فالـي
زي ماتركته بعـد قتلـه بساتينـي
من بعد ماصار جاء بلسانه الحالـي
يبغى يرجّـع زمـانٍ بينـه وبينـي
قولوا له إني ما أحبه كثـر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي
إن راح وإلا رجع ماعـاد يعنينـي
وهذه رائعة منروائعه اجهل مسماها ... وأبيت إلا أن أسطرها لكم ..
قبل اسافر كنت جالس فـي زمـان الأنتظـار
ارتشف هـم المكـان وكـل همـي حاجتيـن
كنت خايف من يباس وكنت خايف من خضار
كنت اخاف انك تجين وكنت خايـف ماتجيـن
لين شفتك من ورى بيبان صـالات المطـار
مقبله من كثر شوقك كنت اشوفـك تركضيـن
مرة ٍ ركضك يميـن ونظـرة عيونـك يسـار
ومرة ٍ ركضك يسار ونظـرة عيونـك يميـن
تايهـه ماكنـك الا ضحكـة ٍ وسـط انكسـار
ساكتـه ماكنـك الا دمعـة ٍ فيـهـا حنـيـن
خايفه وجله حزينه .. يعني كنتـي بأختصـار
تشرحين لكل عاشق معنـى كلمـة عاشقيـن
بعدهـا جيتـك ولـدّت عينـك ودار الحـوار
من كفوفي دمعتيـن ومـن كفوفـك دمعتيـن
كنت اصد وكنتي انتي ثايـره مثـل الشـرار
ماعلى لتغة لسانك غير كلمة ( وين ؟ وين ؟ )
واذكر اني رحت قبـل ابديلـك ايّـة اعتـذار
رحت حتى قبل اطيّب خاطـرك فـي كلمتيـن
لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقدريـن
اذكريني لاانتهت للشمس رحلـه مـع نهـار
واذكريني لاصحـى للصبـح ورد الياسميـن
واذكريني لالمحتـي فـي ليالـي البـرد نـار
واذكريني لاسمعتي للمطـر صـوت ٍ حزيـن
اذكريني واذكريني واذكريني .. بأختصـار ..
اذكري فهد المساعـد قـدّ ماانتـي تقدريـن
كل الود ؛
السامر