قـلـب مـهـمــوم

[سواد الليـل]

السلام عليكم ورحمة الله وبركاتة
اتمنى انها تعجبكم لونها فيها رومنسية شوي ولكن اعذروني على ذلك




البارحه عيني ترى عافت النوم..
وهلت على خدي من الحزن ماها..

دايم علي الهم مكتوب مقسوم..
صفحة شقاي اليوم حظي قراها..

في دنيتي جوي به غبار وغيوم..
أرفع عيوني فوق ماأنظر سماها..

ومن الهنا ياناس ماني بمحروم..
لكن شقا دنياي غطا حلاها..

دنيا الفتى من يوم تدخل على يوم..
يوم يناقض يوم كلن مشاها..

وأنا شكيت اليوم من قلب مهموم..
على الذي يفهم حروف قراها..

وش حيلة اللي صار فالحب مظلوم..
يمشي ورا غرو يدور رضاها..

غرو يكابر بالمشاعر على الدوم..
هذاه عذروبه وسبة بلاها..

لاهو يعاتبني ولايوضح علوم..
بدايته دايم تجي بمنتهاها..

وإن جيت أبشرح وضعي اليوم معلوم..
فرحة على فرحة وفرحة معاها..

لاجيتها والله ماودي أقوم..
ياماحلا المجلاس معها وحلاها..

عين وكف وخد وحجاج مرسوم..
يالله أنا طالبك عجل لقاها..

مثل البدر فالليل غطا على نجوم..
محد ٍ يساويها ولاحد ٍ سواها..

طيفه ترى فالليل زوار ويحوم..
زود على حال المعنى شقاها..

إحساسنا فالحب وقلوبنا توم..
شوفه علاج لي وشوفي دواها..

والله لو أكتب ثمانين منضوم..
مقدر أوصف فرحتي في هواها..

من دون شوفتها ترى الحال مسموم..
والشوق من بعده لحالي طواها..

والبعد عذبني وأنا دوني القوم..
البعد روحي سم حيه سقاها..

يازين ياللي فيك أنا صرت ملزوم..
بعدك لنار الشوق نفسي حداها..

مطلوبي منك اليوم وأبغاه لي دوم..
ترفق بحال اللي هواكم براها..



اخيكم
سواد الليل

[فراشة السعوديه]

~*¤ô§ô¤*~*¤ô§ô¤*~كلمات مميزة اشكرك اخي سواد الليل~*¤ô§ô¤*~*¤ô§ô¤*~

[محمد مراد]

سواد الليل


قرأت ( قلبي مهموم )

و لما الهموم اخي

عموما قصيدتك جميلة و احساسك راقي

محمد مراد

[بف باف]

عوااااااااااافي

ولاتحرمنا جديدك